Башҡортостандың спорт министры Руслан Хәбибов республика хөкүмәте премьер-министры урынбаҫары вазифаһын башҡарыусы итеп тәғәйенләнде. Был хаҡта бөгөн хөкүмәттең йомғаҡлау оператив кәңәшмәһендә Башҡортостан Башлығы Радий Хәбиров белдерҙе.
«Мин спорт министры Руслан Хәбибовтың мөмкинлектәрен көсәйтергә ҡарар иттем. Тәү сиратта, федераль хөкүмәт менән эштә», — тип билдәләне Радий Хәбиров.
Руслан Хәбибов спорт министрлығы, хеҙмәт министрлығы, почта өсөн яуап бирә.