Башҡортостан Башлығы Бөтә Рәсәй ҡотҡарыу отрядтары ярыштары призерҙарын бүләкләне

Башҡортостан Башлығы Радий Хәбиров республика хөкүмәтенең оператив кәңәшмәһендә Бөтә Рәсәй мәктәп ҡотҡарыу отрядтары ярыштары призерҙарына рәхмәт хаттары тапшырҙы.

— Мин һәр ваҡыт әйтә киләм: йәштәребеҙ шәп. Иглин ауылының Данис Тикеев исемендәге 4-се мәктәбе уҡыусылары Анапала Бөтә Рәсәй мәктәп ҡотҡарыу отрядтары ярыштарында һоҡланғыс һөҙөмтә күрһәтте. Улар 2-се урын яуланы. Афарин, һеҙҙең менән ғорурланабыҙ! — тине Радий Хәбиров.

Иглин ауылының Данис Тикеев исемендәге 4-се мәктәбе уҡыусылары Артур Имашев, Таһир Исхаҡов, Алиса Верпето һәм Алена Анисимова республика Башлығының Рәхмәт хаты менән бүләкләнде. Радий Хәбиров шулай уҡ команданың тренеры, физкультура уҡытыусыһы Алина Исхаҡоваға иҫтәлекле бүләк тапшырҙы.

Бынан алдараҡ «Башинформ» Башҡортостан Башлығының һәләтле уҡыусыларға һәм уларҙың уҡытыусыларына премияларҙы арттырыуы тураһында хәбәр иткәйне.

https://www.bashinform.ru/news/sport/2024-12-28/glava-bashkirii-vruchil-blagodarnost-prizeram-vserossiyskih-sorevnovaniy-4070587