Башҡортостандан самбосы Әлиә Мөхәмәтйәнова Гран-при халыҡ-ара ярыштарында еңеүсе булды. Спортсы 50 килограмға тиклемге ауырлыҡ категорияһында самбо буйынса алтын миҙал яуланы, тип хәбәр итә республиканың Спорт министрлығы.
Санкт-Петербургта илдең 28 спортсыһы араһынан декабрь айында Ҡазанда Гран-при финалында ҡатнашыусылар һайлап алынды. Үҙенең ауырлығында Әлиә Мөхәмәтйәноваға тиңдәр булманы.
Яҡташыбыҙ Гастелло исемендәге спорт мәктәбендә Елена һәм тСтанислав Орловтар етәкселегендә шөғөлләнә.
Бынан алдараҡ «Башинформ» Башҡортостан уҡсыһының халыҡ-ара ярыштарҙа уңыштары хаҡында яҙғайны.