Октябрьскийҙан грек-рим көрәшсеһе Илья Кандалин Европа беренселегенең финалына сыҡты. Яҡташыбыҙҙың еңеүе хаҡында республиканың спорт министры Руслан Хәбибов хәбәр итә. Европа турнирының ярымфиналында Илья Кандалин Грузия көрәшсеһен еңде.
«Ильяға финалда уңыштар теләйбеҙ! Республика менән янып-көйәбеҙ!» — тип яҙа Руслан Хәбибов үҙенең telegram-каналында.
Бынан алдараҡ Илья Кандалин Владивостокта Рәсәй беренселегендә чемпион исемен яуланы. Финал алышында ул Чечен Республикаһынан дәғүәсеһен ваҡытынан алда еңде, тип хәбәр иткәйне «Башинформ».