Радий Хәбиров БРИКС уйындарында еңгән республика спортсыларын ҡотланы

Ҡазанда БРИКС уйындарында сығыш яһаған Башҡортостан спортсылары еңеүгә ихтыяр көсөн күрһәтте һәм лайыҡлы һөҙөмтәләргә өлгәште. Улар 12 алтын, 7 көмөш һәм 1 бронза миҙал яуланы. Рәсәй йыйылма командаһы дөйөм зачётта беренсе урынды алды, тип билдәләне республика етәксеһе Радий Хәбиров.

«БРИКС илдәре уйындарында 90 илдән 4,8 мең кеше ҡатнашты. Спортсыларыбыҙҙы, уларҙың тренерҙарын һәм яҡташтарыбыҙ өсөн янып-көйгәндәрҙең барыһын да ҡотлайым. Республикабыҙ йәнә илдең ҙур  спорт үҙәге икәнен раҫланы. Ә был фотоларҙа — беҙҙең алтын миҙалсылар. Ғорурланабыҙ!» — тип яҙа Радий Хәбиров үҙенең telegram-каналында.

Хәтерегеҙгә төшөрәбеҙ, илдең йыйылма командаһы составына 18 яҡташыбыҙ инде. Бына улар: Азалия Әминева, Хажиәкбәр Мәмәйосопов һәм Бекхан Исраилов (бокс), Алина Дәүләтова (бадминтон), Артур Зөлҡәрнәев (көрәш), Нохчо Лабазанов (спорт көрәше), Алена Фәтихова, Алина Пухова, Замира Кусаева, Илфаҡ Ибәтуллин, Рәзил Шәбиев, Айнур Сыртаев (билбау көрәше), Тимур Сафин һәм Владислав Журавлёв (фехтование), Эрнест Шәрәфетдинов, Анна Кудрявцева, Айгөл Садиҡова (карате), Илья Первухин (байдаркала һәм каноэла ишеү).

https://www.bashinform.ru/news/sport/2024-06-25/radiy-habirov-pozdravil-pobediteley-igr-briks-iz-bashkirii-3821831