Башҡортостан дзюдосыларының йыйылма командаһы Рәсәй ярыштарында 11 миҙал яуланы. Дәүләт эшмәкәре Виктор Черномырдин иҫтәлегенә арналған турнир Ырымбурҙа үтте һәм илдең 31 төбәгенән 322 спортсыны йыйҙы, тип хәбәр иттеләр республиканың Йәштәр сәйәсәте һәм спорт министрлығынан.
Башҡортостан спортсылары был ярышта өс алтын, ике көмөш һәм алты бронза награда алды.
Илона Новикова, Вадим Ғәлиуллин һәм Артур Иҡсанов алтын миҙалға лаыҡ булды. Илья Бушуев һәм Дарина Никитина «көмөш», ә Элина Новикова, Владислава Порываева, Эрик Әйүпов, Виолетта Рискулова, Кирилл Чернейкин һәм Эрнест Бикбаев «бронза» менән ҡайтты.