Силәбенең «Инга» стадионында спидскейтинг дисциплинаһында роллер-спорт буйынса Бөтә Рәсәй ярыштары тамамланды. Башҡортостандың йыйылма командаһы 68 миҙал яуланы, тип хәбәр итә республика Спорт министрлығының матбуғат хеҙмәте.
Турнирҙа 12 төбәктән йәмғеһе 100-ҙән ашыу спортсы ҡатнашты. Улар дүрт дистанцияла: 100, 500 һәм 1000 метрға спринтта, шулай уҡ мәрәй өсөн уҙышта үҙ көсөн һынаны.
Ярышта республиканың Роллер-спорт федерацияһы командаһы 28 алтын, 18 көмөш һәм 22 бронза наградаға лайыҡ булды.