Учалы районынан Максим Тимофеев Железноводскиҙа тауҙа йүгереү буйынса Рәсәй чемпионатында финишҡа беренсе булып килде. Был хаҡта Башҡортостандың спорт министры Руслан Хәбибов хәбәр итте. Спортсы 7350 метр оҙонлоҡтағы трассаны 40 минут 52 секундта үтеп, тауҙа йүгереү буйынса дүрт тапҡыр ил чемпионы исемен яуланы.
Максим Тимофеев 2019, 2020, 2022 йылдарҙа ла еңеүсе булды. Уҙған йылда яҡташыбыҙ 7350 метр араны 42 минут 9 секундта үтте, тип хәбәр иткәйне «Башинформ».
Әйткәндәй, яҡташыбыҙ Учалы районының балалар-үҫмерҙәр спорт мәктәбендә тренер булып эшләй.