Башҡортостан атлеты Тула ҡалаһында пауэрлифтинг буйынса Рәсәй беренселегендә «алтын» яуланы

Йәнә бер яҡташыбыҙ Тула ҡалаһында пауэрлифтинг буйынса Рәсәй беренселегендә алтын миҙал яуланы. Нефтекаманан спорт мастеры Дмитрий Селяниндың еңеүе тураһында республиканың Спорт министрлығынан хәбәр иттеләр.

Дмитрий Селянин юниорҙар араһында 66 килограмға тиклемге ауырлыҡ категорияһында еңеүсе булды. Атлет 200 килограмлыҡ штанганы күтәрҙе. Был Рәсәйҙең спорт мастеры нормативынан 20 килограмға күберәк. Йәш спортсы менән Айрат Суфиянов шөғөлләнә.

Әйткәндәй, Тула өлкәһенең баш ҡалаһында пауэрлифтерҙар турнирында Егор Тюлькобаев һәм Глеб Гавриков та еңеү яуланы. Егеттәр алтын миҙал алды һәм спорт мастерына кандидат нормативын үтәне, тип хәбәр иткәйне «Башинформ».

https://www.bashinform.ru/news/sport/2024-04-09/atlet-iz-bashkirii-zavoeval-zoloto-na-pervenstve-rossii-po-pauerliftingu-v-tule-3721329