Башҡортостан дзюдосыһы Карен Галстян Тбилисиҙа Ҙур шлем турнирында көмөш призер булды. 73 килограмм ауырлыҡ категорияһында сығыш яһаған спортсы ярымфиналда Япониянан Соичи Хашимотоны еңде. Был хаҡта республиканың спорт министры Руслан Хәбибов хәбәр итте.
Грузияла халыҡ-ара ярышта еңеү өсөн донъяның 83 иленән 531 дзюдосы көс һынашты.
«Әйткәндәй, Хашимото — бик көслө дәғүәсе: дзюдо буйынса өсөнсө дан эйәһе, 2022 йылда Япония чемпионы, Азия чемпионы, донъя чемпионы», — тип яҙҙы Руслан Хәбибов үҙенең телеграм-каналында.
Карен Галстяндың тренерҙары — Олег Назаров һәм Юрий Зубков.