Башҡортостан һәм Өфө яңылыҡтары
93.44
0
99.58
0
87.29
+0.18
26+ °C
Болотло
Бөтә яңылыҡтар
Спорт
22 Март , 11:27

Башҡортостан спортсылары Житлов исемендәге турнирҙа ике алтын миҙал яуланы

Башҡортостан Спорт министрлығының матбуғат хеҙмәте
Фото:Башҡортостан Спорт министрлығының матбуғат хеҙмәте

Башҡортостан спортсылары СССР-ҙың атҡаҙанған тренеры Владимир Житлов иҫтәлегенә кадеттар араһында фехтование буйынса Бөтә Рәсәй ярыштарында ике алтын миҙал алды. Был хаҡта республиканың спорт министрлығынан хәбәр иттеләр.

Турнир 19 мартта Ҡазанда башланды. Рапира менән алышта шәхси беренселектә 76 ҡатнашыусы араһынан Өфөнән Герман Трофимов абсолют еңеүсе булды. Команда беренселегендә 20 ҡатнашыусы араһында Башҡортостан йыйылма командаһы алтын миҙал яуланы.

Әйткәндәй, бынан алдараҡ Башҡортостандың йәш спортсылары икенсе исемле ярышта уңыш ҡаҙанды. Санкт-Петербургта Рәсәй президенты Владимир Путин приздарына «Советтар Союзы Геройы Василий Петров иҫтәлегенә» үҫмерҙәрҙең команда турниры үтте. Республикабыҙҙың дзюдосылар командаһы көмөш призер булды, тип хәбәр иткәйне «Башинформ».

https://www.bashinform.ru/news/sport/2024-03-22/fehtovalschiki-iz-bashkirii-zavoevali-dve-zolotye-medali-na-turnire-imeni-zhitlova-3569803

Автор:Эдуард Ҡусҡарбәков
Читайте нас: