Башҡортостан паралимпиясыһы Богдан Мозговой донъя серияһында сираттағы еңеүен яуланы. Был хаҡта республиканың спорт министры Руслан Хәбибов хәбәр итте.
Уның һүҙҙәренсә, яҡташыбыҙ Линьяно-Сабьядорола (Италия) йөҙөү буйынса Халыҡ-ара паралимпия комитетының донъя серияһы этабында арҡаға ятып 100 метрға йөҙөүҙә иң яҡшы һөҙөмтә күрһәтте.
«Богданды һәм уның тренеры Сергей Трухачевты ҡотлайым», — тип яҙған министр үҙенең телеграм-каналында.
Бынан алдараҡ Богдан Мозговой 200 метрлыҡ дистанцияла (S9) еңеү яуланы, тип хәбәр иткәйне Башинформ.