Башҡортостан фристайлерҙары командаһы ике бронза миҙалға лайыҡ булды. Республиканың Спорт министрлығы мәғлүмәттәре буйынса, Бөтә Рәсәй көслөләр спартакиадаһында фристайлда (акробатика дисциплинаһында) шәхси иҫәптә ир-егеттәр араһында — Илдар Хәкимов, ҡатын-ҡыҙҙар араһында Ксения Шаронова өсөнсө урынды алды.
Ике спортсы ла тау саңғыһы спорты буйынса олимпия резервындағы спорт мәктәбендә тренерҙар Р.А. Муллағәлиевта һәм Е.С. Муллағәлиевала шөғөлләнә.
Бынан алдараҡ «Башинформ» Башҡортостандың ҡатын-ҡыҙҙар йыйылма командаһының Көслөләр спартакиадаһы матчында икенсе тапҡыр еңеү яулауы хаҡында хәбәр иткәйне.