Белоретта данлыҡлы һунарсы Бигарслан Солтанов исемендәге икенсе турнир үтте
Белорет районының Манышты ауылында данлыҡлы һунарсы Бигарслан Солтанов исемендәге милли һәм этник спорт төрҙәре буйынса икенсе республика турниры уҙҙы.
Быйыл ярышҡа Ауырғазы, Белорет, Бөрйән, Әбйәлил, Учалы һәм Өфө райондарынан, Белореттан һәм Өфөнән 71 спортсы килде. Улар һунар саңғыһында 1800 метрға уҙышыуҙа, яндан уҡ, пневматик мылтыҡтан атыуҙа һәм һөңгө ташлауҙа етеҙлеген күрһәтте. Ҡатын-ҡыҙҙар һәм балалар ҙа уларҙан ҡалышманы.
Ир-егеттәр араһында — Илназ Ғүмәров, ҡатын-ҡыҙҙар араһында Әлфиә Фазылова чемпион исемен яуланы. Үҫмерҙәр араһында бер туған Илвир һәм Илмир Асҡаровтар беренсе һәм икенсе урындарҙы бүлеште.
Турнир «Ирҙәр ҡоро» йәмәғәт ойошмаһы башланғысы менән үткәрелде. Белорет районы хакимиәте башлығы Андрей Иванюта һүҙҙәренсә, үҙенсәлекле турнирҙы үткәреү идеяһын Манышты ауылында тыуып үҫкән Раян Миһранов тәҡдим иткән.
Ярыштан һуң ҡатнашыусылар һәм ҡунаҡтар өсөн Башҡортостан биатлонының спорт дисциплиналары буйынса оҫталыҡ дәрестәре ойошторолдо.
Ҡасим Дәүләткилдиевтың «Башҡорт һунарсыһы» картинаһында ла нәҡ Манышты һунарсыһы Бигарслан Солтанов һынландырылған. Рәссам уны 1928 йылда Белорет районына барған сағында төшөргән. Ә картинаның икенсе яғында былай тип яҙылған: «Бигарслан Солтанов, һунарсы, 30 йәш, 20-гә яҡын айыу, 16 бүре алған, инвалид, һунарҙа инвалид булып ҡалған, Бурзик ҡушаматлы эт».
www.bashinform.ru
© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.
Об использовании персональных данных
Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.
18+
Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.
«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.