Башҡортостандың рапира буйынса йыйылма командаһы фехтование буйынса Рәсәй кубогында көмөш призёр булды. Был хаҡта республиканың Спорт министрлығы үҙенең телеграм-каналында хәбәр итте.
Башҡортостан рапирасылары Тимур Арыҫланов, Егор Баранников, Владислав Журавлёв һәм Тимур Сафин ярымфиналда Санкт-Петербург спортсыларын 45:29 иҫәбе менән еңде, ләкин финал алышында Һамар өлкәһе командаһынан еңелде.
Бынан алдараҡ «Башинформ» агентлығы коляскала фехтование буйынса Рәсәй һәм донъя чемпионы Альбина Дәүләтова тураһында яҙып сыҡҡайны.