Өфөгә «Киләсәк уйындары» спорт ярышының төп трофейын килтерәләр

Өфөгә фиджитал-спорт буйынса «Киләсәк уйындары» халыҡ-ара ярышының төп трофейын килтерәләр. Республиканың Спорт министрлығы мәғлүмәте буйынса, «Киләсәк уйыны»ның өп призы менән Башҡортостандың баш ҡалаһына иртәгә, 25 ноябрҙә, килеп етә. Икенсе көндө ул Ырымбурға юлллана.

Трофи-тур 2023 йылдың 1 декабренә тиклем дауам итә. «Байконур» космодромынанан трофей тура йыһанға осорола, 2024 йылда кире әйләнеп ҡайтҡас, Ҡазанға күргәҙмәгә ҡуйыла.

Хәтерегеҙгә төшөрәбеҙ, «Киләсәк уйындары»на тиклем йөҙ көндән аҙыраҡ ваҡыт ҡалды. Фиджитал-спорт буйынса ярыштар Ҡазанда 2024 йылдың 21 февраленән 3 мартына ҡәҙәр бара.

Бынан алдараҡ «Башинформ» киләһе йылда Өфөлә «Рәсәй — спорт державаһы» форумы уҙғарылыуын хәбәр иткәйне. Был турала Владимир Путин 2023 йылдың 19 октябрендә Пермдә «Рәсәй — спорт державаһы» халыҡ-ара форумын асыу тантанаһында белдерҙе.

https://www.bashinform.ru/news/sport/2023-11-24/v-ufu-privezut-glavnyy-trofey-sportivnogo-sostyazaniya-igry-buduschego-3535882