Башҡортостан Башлығы Радий Хәбиров Өфөлә «Рәсәй — спорт державаһы» форумына әҙерлек хаҡында әйтте

Фото:Олег Яровиков

2024 йылда Өфөлә «Рәсәй — спорт державаһы» халыҡ-ара форумын үткәреү Рәсәйҙә лә, Башҡортостанда ла спортты һәм физкультураны үҫтереү өсөн өҫтәмә этәргес булыр. Бөгөн «Рәсәй — спорт державаһы» ХІ халыҡ-ара форумында Башҡортостан Башлығы Радий Хәбиров ошо хаҡта белдерҙе. Баш ҡаланың 450 йыллығы билдәләнгән йылда абруйлы сараны ҡабул итеү — Өфө өсөн оло мәртәбә, тине республика етәксеһе.

Хәтерегеҙгә төшөрәбеҙ, бөгөн Рәсәй президенты Владимир Путин Пермдә «Рәсәй — спорт державаһы» ХІ халыҡ-ара форумын асыу тантанаһында киләһе йылда Рәсәй төбәктәрен һәм сит ил вәкилдәрен «Рәсәй — спорт державаһы» форумында ҡатнашырға саҡырҙы. Форум 2024 йылда Башҡортостандың баш ҡалаһы Өфөлә ойошторола, тип билдәләне дәүләт башлығы.

«Беренсенән, был — беҙҙең өсөн ҙур шатлыҡ, ҙур ҡаҙаныш. Күптәр «Рәсәй — спорт державаһы» форумын үҙҙәренең төбәктәрендә үткәреү өсөн көрәшә, сөнки ил етәкселеге һәм бөйөк спортсылар килә. Улар спортты һәм физик культураны үҫтереүҙәге мөһим йүнәлештәрҙе тикшерә, йомғаҡ яһала. Икенсенән, президент әйткәнсә, форум Өфөнөң 450 йыллығына арналған тантаналы сараларҙың мөһим өлөштәренең береһе булмаҡсы. Ҡунаҡтар саҡырабыҙ, әҙерләнәбеҙ. Өсөнсөнән, әлеге форумды үткәреү өсөн инфраструктура кәрәк. Бик күп объекттар төҙөлә, Өфө үҙенең 450 йыллығына етди әҙерләнә», — тине Радий Хәбиров.

Хәтерегеҙгә төшөрәбеҙ, бөгөн Пермдә «Рәсәй — спорт державаһы» ХІ халыҡ-ара форумы эш башланы. Ул 19 октябрҙән 22-һенә тиклем бара. Форумды асыу тантанаһына Башҡортостан Башлығы Радий Хәбиров, республика вице-премьеры Ирек Сәғитов һәм республиканың спорт министры Руслан Хәбибов килде, тип хәбәр иткәйне «Башинформ»мәғлүмәт агентлығы.

https://www.bashinform.ru/news/sport/2023-10-19/glava-bashkirii-radiy-habirov-rasskazal-o-podgotovke-k-forumu-rossiya-sportivnaya-derzhava-v-ufe-3484738

Автор:Эдуард Ҡусҡарбәков

Читайте нас:

Рубрики

Электрон почта

inf@bashinform.ru

Адресы

450077, Уфа, Кирова, 45

Реклама хеҙмәте

(347) 250-11-11

Редакция

(347) 250-07-28

Ҡабул итеү бүлмәһе

(347) 250-05-07

Хеҙмәттәшлек

(347) 250-06-14

Кадрҙар бүлеге

ok@bashinform.ru

© 1992-2025 АО ИА «Башинформ». Свидетельство о регистрации СМИ № ТУ 02-01609 от 25.09.2017 г., выдано Управлением Федеральной службы по надзору в сфере связи, информационных технологий и массовых коммуникаций по Республике Башкортостан.

Об использовании персональных данных

Вся информация и материалы, размещенные на сайте www.bashinform.ru защищены международным и российским законодательством об авторском праве и смежных правах.

18+ запрещено для детей.

При перепечатке или цитировании ссылка на ИА «Башинформ» обязательна. Для интернет-изданий и социальных сетей прямая активная гиперссылка обязательна. Использование логотипа ИА «Башинформ» в целях, не связанных с ссылкой на агентство при перепечатке или цитировании, допускается только с письменного разрешения АО ИА «Башинформ».