Өфө спортсыһы Демид Ручко роллер-спортта сираттағы Рәсәй рекордын ҡуйҙы. Яҡташыбыҙ Санкт-Петербургта Neva Roller Cup халыҡ-ара ярыштарында ҡатнашып, бер аяғында 20 конустан торған юлды 4,838 секунд эсендә үтте.
Республиканың Спорт министрлығынан хәбәр итеүҙәренсә, Башҡортостандан 14 спортсы сығыш яһаны. Анна Бусарева - беренсе, Агата Ямаева - икенсе, Дарья Иванова һәм Михай Фёдоров өсөнсө урындарҙы алды.
Был Демидтың тәүге еңеүе түгел. Былтыр йыл аҙағында ул 10-18 йәшлектәр араһында квалификация уҙыштарында Рәсәй рекордын ҡуйҙы. Ул саҡта спортсы Омскиҙа роллер-спорт буйынса Бөтә Рәсәй ярыштарында сығыш яһаны, тип хәбәр иткәйне «Башинформ» мәғлүмәт агентлығы.
https://www.bashinform.ru/news/sport/2023-10-12/roller-iz-ufy-ustanovil-novyy-rekord-rossii-3475412