Башҡортостан һәм Өфө яңылыҡтары
90.99
0
98.78
0
83.96
+0.69
12+ °C
Ясна
Бөтә яңылыҡтар
Спорт
21 Июль 2023, 11:48

Өфө спортсыһы Монголияла джиу-джитсу буйынса донъя чемпионатында көмөш миҙал яуланы

Башҡортостан Спорт министрлығының телеграм-каналы
Фото:Башҡортостан Спорт министрлығының телеграм-каналы

Өфөнән Булат Атласов Монголияла джиу-джитсу буйынса донъя чемпионатында көмөш миҙал яуланы, тип хәбәр иттеләр «Башинформ» мәғлүмәт агентлығына Башҡортостандың Спорт министрлығынан. Көрәшселәр турниры Улан-Баторҙа 12 июлдән үтте, бөгөн ул тамамланды. Донъя чемпионатына 41 илдән 500-ҙән ашыу спортсы килде.

Булат Атласов Башҡортостандың Джиу-джитсу федерацияһын етәкләй. Ул спортсыларҙы ярыштарға әҙерләне, үҙе лә 35-39 йәш категорияһындағы М1 бүлегендә ҡатнашты. Финал алышында Булат Канада вәкиленән еңелеп, көмөш миҙалға лайыҡ булды.

«Турнирҙа ҡатнашыу теләге ике йыл элек барлыҡҡа килде. Әммә ул саҡта был федерацияла яңы ғына эшләй башлағайным, күп нәмәне белмәй инем. Былтыр Рәсәйҙең йыйылма командаһы ошо турнирҙа ҡатнашманы, ләкин мин уға спортсы булараҡ әҙерләндем. 2023 йылда бер ниндәй ҙә махсус спорт әҙерлек үтмәнем, даими шөғөлләндем», — тип яҙҙы Булат Атласов «Бәйләнештә» селтәрендәге сәхифәһендә.

https://www.bashinform.ru/news/sport/2023-07-21/sportsmen-iz-ufy-zavoeval-serebro-na-chempionate-mira-po-po-dzhiu-dzhitsu-v-mongolii-3349412

Автор:Эдуард Ҡусҡарбәков
Читайте нас: