Башҡортостандың 18 йәшкә тиклемге ҡыҙҙар командаһы үҙ тарихында тәүге тапҡыр хоккей буйынса Рәсәй беренселегендә өсөнсө урынды алды. Спорт министры Руслан Хәбибов хәбәр итеүенсә, ярыштарҙың йомғаҡлау этабы 2-10 мартта Түбәнге Новгород өлкәһендә үтте.
Унда Мәскәүҙән, Санкт-Петербургтан, Мәскәү, Свердловск, Түбәнге Новгород, Воронеж өлкәләренән һәм республикабыҙҙан командалар ҡатнашты. Башҡортостандың йәш спортсылары бронза миҙал яуланы һәм беренселектең призерҙары исемлегенә инде.