Башҡортостан командаһы II «Азия балалары» ҡышҡы халыҡ-ара уйындарында һигеҙ миҙал яуланы

Кемерово ҡалаһында II «Азия балалары» ҡышҡы халыҡ-ара уйындары тамамланды. Башҡортостандың йыйылма командаһы турнирҙа өс алтын, шунса уҡ көмөш һәм ике бронза миҙал яуланы, тип хәбәр иттеләр «Башинформ»ға республиканың Спорт министрлығынан.

Ярыштарҙың тәүге көндәрендә тау саңғысыһы Тимофей Кильдюшкин «Азия балалары»-2023 халыҡ-ара уйындарында «алтын» яуланы. Диана Папулова 16 йәшкә тиклемге ҡыҙҙар араһында фристайлдың ски-кросс дисциплинаһында «Азия балалары» уйындарының көмөш миҙалын алды. Республиканың кёрлинг буйынса йыйылма командаһы ҡатнаш парҙа Алыҫ Көнсығыш федераль округынан дәғүәселәрен еңде. Башҡортостандан сноубордсы Тимур Зарипов өсөнсө урынды яуланы, ә ҡар волейболы буйынса йыйылма командабыҙ көмөш призер булды.

Ярыштар 23 февралдән 4 мартҡа тиклем Кузбастың дүрт ҡалаһында үтте. 12 ил спортсылары 11 спорт төрөндә 57 наградалар комплекты уйнатты.

https://www.bashinform.ru/news/sport/2023-03-06/sbornaya-bashkirii-zavoevala-na-ii-zimnih-mezhdunarodnyh-igrah-deti-azii-vosem-medaley-3167291