Башҡортостанда 2023 йылдың декабрендә биатлон буйынса Берҙәмлек кубогы ярыштарының уҙыуы ихтимал. Был хаҡта хөкүмәттең оператив кәңәшмәһендә республиканың спорт министры Руслан Хәбибов хәбәр итте.
«Өфөлә Ҡышҡы спорт төрҙәре көнөн һәм биатлон буйынса Рәсәй беренселеген уңышлы үткәреү Башҡортостанға 2023 йылдың декабрендә Рәсәй һәм Беларусь биатлонсылары араһында биатлон буйынса Берҙәмлек кубогын уҙғарыуға дәғүә итергә мөмкинлек бирә. Бөгөн Рәсәйҙә ошондай ярыштар Европа кимәленә тиңләштерелә», – тип мөрәжәғәт итте Руслан Хәбибов Башҡортостан Башлығы Радий Хәбировҡа.
«Үткәрегеҙ. Ярыштар ни тиклем күберәк булһа, шул тиклем яҡшыраҡ», – тип йомғаҡ яһаны Радий Хәбиров.