Башҡортостан һәм Өфө яңылыҡтары
69.34
0
75.41
0
84.91
-1.75
-10 °C
Ҡар
Бөтә яңылыҡтар
Спорт
29 Декабрь 2022, 14:17

Өфөлә «ФИЗРА-Д спорт үҙәге» физкультура-һауыҡтырыу комплексы төҙөлә

Башҡортостан Спорт министрлығының телеграм-каналы
Фото:Башҡортостан Спорт министрлығының телеграм-каналы

Өфөлә «ФИЗРА-Д спорт үҙәге» физкультура-һауыҡтырыу комплексы төҙөлөшө башланырға тора. Спорт объекты өсөн 9-сы спорт мәктәбенең физкультура-һауыҡтырыу комплексы урыны һайланған. Өфө хакимиәте инвестиция проектын ғәмәлгә ашырыу барышында концессия килешеүе төҙөнө.

Кисә баш ҡала мэрияһында «Футбол академияһы» спорт мәктәбе тәрбиәләнеүселәренең ата-әсәләре муниципалитет етәкселеге менән осрашты. Кәңәшмәне ҡала хакимиәте башлығы урынбаҫары Владимир Жебровский үткәрҙе.

Килешеүгә ярашлы, яңы «ФИЗРА-Д спорт үҙәге» физкультура-һауыҡтырыу комплексын файҙаланыу ваҡытын бүлеү графигы ҡаралған. Объект төҙөлөп бөткәс, мәктәпкә күнекмәләр өсөн ваҡыт бүленергә тейеш. Бынан тыш, мэрия осрашыуҙа ҡатнашыусыларҙы 9-сы спорт мәктәбе тәрбиәләнеүселәренең күнекмәләре өсөн өҫтәмә ваҡыт биреү тураһында килешеү төҙөргә ниәтләүҙәрен белдерҙе. Дәрестәр бушлай үткәрелә.

https://www.bashinform.ru/news/sport/2022-12-29/v-ufe-poyavitsya-novyy-fok-tsentr-sporta-fizra-d-3090039

Автор:Эдуард Ҡусҡарбәков
Читайте нас в