2022-2023 йылдар физкультура һәм спорт өлкәһендә Рәсәй-Ҡытай хеҙмәттәшлеге йылдары тип иғлан ителде

Рәсәй Президенты Владимир Путин ҡул ҡуйған ҡарарға ярашлы 2022-2023 йылдар Рәсәй һәм Ҡытай араһында физкультура менән спорт өлкәһендә хеҙмәттәшлек йылдары тип иғлан ителде. Был документ ике ил араһында мөнәсәбәттәрҙе артабан да арттырыу маҡсатында төҙөлгән.

«В целях дальнейшего развития российско-китайских отношений и расширения двусторонних связей в области физической культуры и спорта провести в 2022-2023 годах Годы российско-китайского сотрудничества в области физической культуры и спорта», – тиелгән унда.

Ойоштороу комитетының Рәсәй өлөшөнә төп сараларҙы төҙөргә һәм раҫларға ҡушылды. Уға 2023 йылда Екатеринбургта үтәсәк БРИКС, ШОС һәм БМО илдәренең командалары ҡатнашасаҡ Университет спортының халыҡ-ара фестивале лә инәсәк.

https://www.bashinform.ru/news/sport/2022-10-17/2022-2023-stanut-godami-rossiysko-kitayskogo-sotrudnichestva-v-oblasti-fizkultury-i-sporta-2992631