Башҡортостан шашкасыһы Тамара Танһыҡҡужина Якутскиҙа үткән суперматчта ғәмәлдәге донъя чемпионы Матрена Ноговицынанан еңелде.
Өс төп партия һәм ике өҫтәмә уйын тигеҙ иҫәп менән тамамланды. Өсөнсө өҫтәмә партияла яҡут ҡыҙына уңыш йылмайҙы. Ноговицына 150 мең һумлыҡ бүләккә лайыҡ булды. Ә Таңһыҡҡужинаға 50 мең һумлыҡ сертификат тапшырылды.
Уйын рус һәм йөҙ шаҡмаҡлы шашка буйынса Рәсәйҙең атҡаҙанған тренеры Николай Кычкин иҫтәлегенә Бөтөн Рәсәй турниры сиктәрендә уҙҙы.