Өфөлә Өлфәт Мостафин иҫтәлегенә волейбол буйынса ҡала турнирының финалы була

20 апрелдә Рима Баталова исемендәге Спорт әҙерлеге үҙәгендә Өлфәт Мостафин иҫтәлегенә волейбол буйынса ҡала турниры еңеүселәре билдәләнә, тип хәбәр иттеләр мэриянан.

Миҙалдар өсөн район этаптарында еңеү яулаған 14 мәктәп командаһы көрәшә. Йыйылма командаларҙа 9-11-се класс уҡыусылары уйнай.

«Йәштәр араһында һайлап алыу ярыштары һөҙөмтәләре буйынса финалда Октябрь районының 47-се гимназияһы, Киров районының 16-сы гимназияһы, Дим районының 104-се мәктәбе, Совет районының 108-се мәктәбе уҡыусылары көс һынаша, — тип белдерҙеләр муниципалитеттың матбуғат хеҙмәтендә. — Бөгөн ҡыҙҙар араһында миҙалға дәғүә иткән командалар билдәләнә».

2020 йылда арабыҙҙан ваҡытһыҙ киткән Өфө хакимиәте башлығы Өлфәт Мостафин волейболды үҫтереүгә, үҫеп килгән быуын араһында ошо спорт төрөн популярлаштырыуға ҙур иғтибар бүлде.

Яҡында ғына спорт менән шөғөлләнеү өсөн волейбол майҙансыҡтарын булдырыу буйынса «Һәр ихатаға волейбол» проекты уның башланғыстарының береһе ине. Ошо проект ярҙамында 2019 йылдан Өфөлә 197 яңы майҙансыҡ булдырылған, 130-ы төҙөкләндерелгән.

https://www.bashinform.ru/news/sport/2022-04-19/v-ufe-proydet-final-gorodskogo-turnira-po-voleybolu-pamyati-ulfata-mustafina-2775150