Башҡортостан спортсыһы Өфөлә Бөтә Рәсәй турнирында еңеү яуланы һәм Рәсәй беренселегенә юллама отто

Өфөлә илдең 17 төбәгенән 158 спортсы 23 йәшкә тиклемге юниорҙар араһында дзюдо буйынса Бөтә Рәсәй турниры наградалары өсөн көс һынашты. Яҡташыбыҙ Александр Данилов +100 килограмм ауырлыҡ категорияһында почёт пьедесталының беренсе баҫҡысына күтәрелде. Ошо еңеүе менән Саша Рәсәй беренселегенә юллама алды.

Республика Спорт министрлығының матбуғат хеҙмәте мәғлүмәттәре буйынса, 81 килограмға тиклемге ауырлыҡ категорияһында Алексей Алексеев көмөш призер булды;

- Марат Зәйнәғәбдинов +100 килограмм ауырлыҡ категорияһында икенсе урынды яуланы;

- Фәнил Таһиров +100 килограмм ауырлыҡ категорияһында бронза миҙал алды;

- Виктория Плешкова 78 килограмға тиклемге ауырлыҡ категорияһында өсөнсө урынға лайыҡ булды.

https://www.bashinform.ru/news/sport/2022-03-23/bashkirskiy-dzyudoist-vyigral-vserossiyskiy-turnir-v-ufe-i-zavoeval-putyovku-na-pervenstvo-rossii-2740094