Грек-рим көрәше буйынса Башҡортостан Республикаһы Башлығы Кубогы өсөн 26 төбәктән 130-ҙан ашыу спортсы көс һынашты. Республиканың йыйылма командаһы Рима Баталова исемендәге спорт әҙерлеге үҙәгендә алты миҙал яуланы.
Турнирҙа Нохчо Лабазанов еңеүсе тип танылды. 130 килограмлыҡ ауырлыҡ категорияһында уға тиңдәр булманы. Максуд Рәхимов (55 килограмм) һәм Фәнис Вәлитов (63 килограмм) көмөш миҙалдарға лайыҡ булды. Тағы ла өс спортсы: 55 килограмм ауырлыҡ категорияһында Айнур Сәйетов, 60 килограмм ауырлыҡ категорияһында Александр Чегодаев, 63 килограмм ауырлыҡ категорияһында Малсаг Дзейтов бронза миҙал алды.