Башҡортостан һәм Өфө яңылыҡтары
78.94
+0.3
89.15
+0.22
90.89
+0.93
-15 °C
Ҡар
Бөтә яңылыҡтар
Спорт
20 Декабрь 2021, 13:16

Республиканың спорт министры «Өфө» футбол клубының попечителдәр советы башлығы итеп тәғәйенләнде

Фото:Валерий Шахов

«Өфө» футбол клубының генераль директоры Шамил Ғәзизов менән һөйләшеү «йөкмәткеле» булды тине, Башҡортостан Башлығы Радий Хәбиров.

«Беҙ республикала профессиональ футболдан тыш, балалар-үҫмерҙәр футболын үҫтереү тураһында ла фекер алыштыҡ. Премьер-лигалағы клубты юғалта алмайбыҙ, тинем. Команданың кәйефе күтәренке», — тип билдәләне Радий Хәбиров республика Хөкүмәтендәге оператив кәңәшмәлә.

Шулай уҡ республика етәксеһе Башҡортостандың спорт министры Руслан Хәбибовты «Өфө» футбол клубының попечителдәр советын етәкләргә тәҡдим итеүен иҫкә төшөрҙө.

«Моғайын, был дөрөҫтөр. Хәҙер һеҙ футбол өсөн яуаплы», — тине Радий Хәбиров.

Бынан алда «Башинформ» Руслан Хәбибовтың республиканың спорт министры вазифаһын ҡалдырыуы тураһында имеш-мимеште кире ҡаҡты. Чиновник бер үк ваҡытта ике вазифаны биләй.