Воскресенье, 13 Сентября 2026

Уфа

+13 °С

Главное Иҡтисад Йәмғиәт Мәҙәниәт Барыһы ла Еңеү өсөн Сәйәсәт Спорт

|Последние новости

Төп бит/Спорт

10:49 (UTC+5), 17 Сентября 2021

Радий Хәбиров паралимпиясыларға: Һеҙ — беҙҙең ғорурлыҡ һәм бөтәбеҙ өсөн дә өлгө

Олег Яровиков

Азат Ғиззәтуллин

Кисә Өфөлә Башҡортостан Башлығы Радий Хәбиров Токиола уҙған XVI Паралимпия йәйге уйындары еңеүселәре һәм призерҙары менән осрашты. Тәүҙә ул спортсыларҙы сағыу, һоҡланғыс еңеүҙәре менән ҡотланы.

«Рәсәйҙең йыйылма командаһы Токиола лайыҡлы сығыш яһаны. Еңеү яулау өсөн ниндәй ауырлыҡтарҙы еңергә тура килгәнен үҙегеҙ генә беләһегеҙ. Республикабыҙҙан 14 вәкил сығыш яһаны. Илебеҙ командаһы дөйөм көс менән 118 миҙал алды, 17 донъя рекорды ҡуйҙы. Уларҙың береһе — Богдан Мозговойҙа. Богдан арҡаға ятып 100 метрға йөҙөүҙә донъяла иң шәп йөҙөүсе булды. Тағы ике йөҙөүсебеҙ, Анна Крившина һәм Илнур Ғарипов, паралимпия рекордтары ҡуйҙы. Башҡортостан паралимпиясылары Рәсәй командаһының дүртенсе урын алыуына лайыҡлы өлөш индерҙе. Илебеҙ өсөн биш алтын, өс көмөш һәм дүрт бронза миҙал яуланы. Бик яҡшы һөҙөмтә!», — тине Радий Хәбиров.

Рәсәй һәм Башҡортостан йыйылма командаларының өлкән тренеры Игорь Тверяков даими ярҙам һәм иғтибар өсөн Радий Хәбировҡа һәм Спорт министрлығына рәхмәт белдерҙе. Уның һүҙҙәренсә, республикала һаулыҡ мөмкинлектәре сикле кешеләргә спорт менән шөғөлләнеү өсөн барлыҡ шарттар тыуҙырылған, Затонда бынамын тигән үҙәк бар. Ул республика етәксеһенән адаптив спортты үҫтереү менән шөғөлләнгән спорт мәктәбенең статусын күтәреү тураһында мәсьәләне ҡарауҙы һораны.

«Учреждениеның статусын күтәреү өсөн уны Башҡортостан Республикаһының спорттың адаптив төрҙәрен үҫтереү үҙәге тип үҙгәртергә мөмкин. Туғыҙ төбәктә ошондай үҙәктәр бар», — тине Игорь Тверяков.

Республиканың спорт министры Руслан Хәбибов билдәләүенсә, спорттың адаптив төрҙәрен үҫтереүгә ихтыяж бар, Солтанов урамындағы бинаны төҙөкләндереү өсөн яҡын 120 миллион һум талап ителә.

Бындай үҙәк һис һүҙһеҙ кәрәк, тине Радий Хәбиров.

«Республика сағыу еңеүҙәрегеҙ өсөн рәхмәт белдерергә тейеш. Коллегаларыбыҙ менән кәңәшләшеү, бөтә тәҡдимдәрҙе өйрәнеү өсөн беҙгә ике аҙна ваҡыт бирегеҙ. Спорттың адаптив төрҙәрен үҫтереү өсөн яңы үҙәк төҙөлөшө вариантын һайлауыбыҙ ҙа ихтимал», — тине Радий Хәбиров.

Ике тапҡыр паралимпия чемпиондары Андрей Николаев һәм Богдан Мозговой республика етәксеһенә һәм Башҡортостан халҡына дәртләндереп торғандары өсөн рәхмәт әйтте.

«Беҙ алыҫ Токиола ла ошо йылылыҡты һәм хис-тойғоларҙы тойҙоҡ. Еңеүгә ынтылдыҡ, Японияла флагһыҙ һәм гимнһыҙ сығыш яһауыбыҙ беҙҙе дәртләндерҙе генә. Барыһына ла рәхмәт», — тине спортсылар.

Паралимпия чемпионы Анна Крившина Владимир Путин менән осрашыуҙан алған тәьҫораттары хаҡында һөйләне.

Осрашыуҙа спортсылар Өфөлә еңел атлетика манежын төҙөү, тренерҙарға, спорт табиптарына һәм массажистарға ярҙам буйынса ла үҙ теләктәрен еткерҙе.

Радий Хәбиров спорт министрына бөтә ошо тәҡдимдәрҙе йыйып өйрәнергә ҡушты.

«Һеҙ — беҙҙең ғорурлыҡ, тиҫтерҙәрегеҙ, йәштәр һәм балалар өсөн матур өлгө. Һәр берегеҙҙең спорт һәм шәхси биографияһы улар өсөн сағыу өлгө булып тора», — тине Радий Хәбиров.

Башҡортостан Башлығы спортсыларға һәм тренерҙарға республиканың дәүләт наградаларын тапшырҙы. Улар иһә республика етәксеһенә сувенирҙар — Токиола уҙған XVI Паралимпия йәйге уйындарының символдарын бүләк итте.

https://www.bashinform.ru/news/1645589-radiy-khabirov-paraolimpiytsam-vy-nasha-gordost-i-primer-dlya-vsekh/

1 из 26

#паралимпиясылар

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.