Башҡортостан һәм Өфө яңылыҡтары
92.59
+0.02
100.27
-0.14
86.25
+0.84
1+ °C
Ҡар
Бөтә яңылыҡтар
Спорт
12 Февраль 2020, 16:53

Өфөлә тәүге республика ябыҡ футбол майҙаны төҙөлә

«Башинформ» мәғлүмәт агентлығы
«Башинформ» мәғлүмәт агентлығы
ӨФӨ, 2020 йыл, 12 февраль. /«Башинформ» мәғлүмәт агентлығы, Наталья Овчарук/. 2020 йылда Өфө биләмәһендә генә түгел, ә Башҡортостанда беренсе дәүләт ябыҡ майҙаны төҙөлә башлай. Спорт ҡоролмаһының проекты дәүләт экспертизаһын үтте. Йыл әйләнәһенә эшләгән спорт объекты «Нефтсе» стадионы биләмәһендә һалына.
«Спорт объектының дөйөм майҙаны – 6,5 мең квадрат метр, шуның алты мең метр квадрат метр самаһы – футбол майҙаны, — тип хәбәр иттеләр «Башинформ» мәғлүмәт агентлығына республика Төҙөлөш һәм архитектура буйынса дәүләт комитетының матбуғат хеҙмәтенән. — Проектта кейенеү, дөйөм ҡулланыу урындары, душ бүлмәләре, гардероб, вестибюль, тренерҙар бүлмәһе, инвентарь өсөн бүлмә, шулай уҡ медицина пункты бар».
Башҡортостанда беренсе ябыҡ футбол майҙанының заказсыһы — республиканың Капиталь төҙөлөш идаралығы.
Хәтерегеҙгә төшөрәбеҙ, уҙған йылдың февралендә Өфөнөң Октябрь районы Нуғай ауылында шәхси инвестор аҡсаһына тәүлек әйләнәһенә эшләгән футбол майҙаны асылды.
Читайте нас: