Башҡортостан һәм Өфө яңылыҡтары
91.35
+0.02
99.11
+0.38
82.64
-0.16
-9 °C
Болотло
Бөтә яңылыҡтар
Спорт
7 Февраль 2020, 11:40

Башҡортостандан биатлонсы Антон Бабиков Рәсәй кубогында рәттән ике уҙышта еңеү яуланы

Рәсәй Биатлонсылар союзы
Рәсәй Биатлонсылар союзы
ӨФӨ, 2020 йыл, 7 февраль. /«Башинформ» мәғлүмәт агентлығы/. 2017 йылда донъя чемпионы, өс тапҡыр Европа чемпионы Антон Бабиков Киров өлкәһендә биатлон буйынса Рәсәй кубогының һигеҙенсе этабында икенсе еңеү яуланы. Кесаҙна, 6 февралдә, биатлонсы, дүрт атыу рубежын хатаһыҙ үтеп, суперпасьютта Рәсәй чемпионы исемен алды. Финишта ул Удмурт Республикаһынан Александр Поварницынды уҙып китте. Өсөнсө урынды Ямал-Ненец автономиялы округынан Рөстәм Ҡәйүмов яуланы.
Көндөҙ Бабиков спринт уҙышында еңде. Икенселә — Евгений Идинов (Төмән өлкәһе), өсөнсөлә — Максим Макаров (Удмурт Республикаһы).
Бынан алда Бабиков Эстонияның Отепя ҡалаһына Европа чемпионатына Рәсәй йыйылмаһы составына һайлап алынманы.
Читайте нас в