Башҡортостан һәм Өфө яңылыҡтары
92.59
+0.02
100.27
-0.14
86.25
+0.84
-2 °C
Ҡар
Бөтә яңылыҡтар
Спорт
28 Май 2019, 10:39

Башҡортостандан пауэрлифтер донъя рекорды ҡуйҙы

Башҡортостандың Йәштәр сәйәсәте һәм спорт министрлығы
Башҡортостандың Йәштәр сәйәсәте һәм спорт министрлығы
ӨФӨ, 2019 йыл, 28 май. /«Башинформ» мәғлүмәт агентлығы/. Башҡортостандың Күмертау ҡалаһынан 41 йәшлек Александр Сыкменев Токиола 120 килограмға тиклемге ауырлыҡ категорияһында ятып штанга күтәреү буйынса донъя рекорды ҡуйҙы. Спортсы 365 килограмлыҡ штанганы үҙенә буйһондорҙо.
Уның йәш коллегалары Японияла уҙған донъя чемпионатында миҙалдар яуланы. Октябрьский ҡалаһының 4-се балалар-үҫмерҙәр спорт мәктәбенең 17 йәшлек тәрбиәләнеүсеһе Ксения Материнская 57 килограмға тиклемге категорияла алтын миҙал алды. Ҡыҙ 100 килограмды күтәрҙе.
Ә Октябрскийҙан 30 йәшлек Ян Урусов, 66 килограмға тиклемге категорияла 237,5 килограмлыҡ штанганы күтәреп, икенсе урынды яуланы.
«Башинформ» агентлығы хәбәр иткәнсә, Өфөлә һигеҙ тапҡыр донъя чемпионы Эмин Мамедов «слингшот» экипировкаһында ятып штанга күтәреү буйынса Рәсәй рекорды ҡуйҙы, һуңынан аңын юғалтып йығылды.
Читайте нас: