91.78
-0.23
Башҡортостан һәм Өфө яңылыҡтары
98.03
-0.69
89.29
+0.18
17+ °C
Ямғыр
Бөтә яңылыҡтар
Спорт
25 Февраль 2019, 09:22
Радий Хәбиров тәүгә плей-офф алдынан «Салауат Юлаев» хоккей клубы уйынсылары менән осрашты
ӨФӨ, 2019 йыл, 25 февраль. /«Башинформ» мәғлүмәт агентлығы/. 24 февралдә Башҡортостан Башлығы вазифаһын ваҡытлыса башҡарыусы Радий Хәбиров тәүгә плей-офф алдынан «Салауат Юлаев» хоккей клубы уйынсылары менән осрашты. Осрашыу Континенталь хоккей лигаһының 11-се миҙгеле плей-офф уйыны башланыуға арналды.
«Мин команда менән беренсе тапҡыр аралашам һәм хоккейҙан бер аҙ алыҫмын. Ләкин шуны беләм: республика өсөн хоккей һәм «Салауат Юлаев» – элита, тәүге урында торған спорт. Беҙ, Башҡортостан халҡы, барыбыҙ ҙа ошо исем менән йәшәйбеҙ, ғорурланабыҙ һәм улар өсөн янып-көйәбеҙ», — тине Радий Хәбиров.
Республика етәксеһе һүҙҙәренсә, Өфө хоккей командаһы «Бразилия системаһы» һәм «һеҙ күпме индерә алаһығыҙ, шунса, ә беҙ күпме теләйбеҙ, шунса индерәбеҙ» ҡағиҙәһе буйынса уйнай.
«Плей-офта хаталанырға хоҡуғығыҙ юҡ. Команданың дуҫ, көслө икәнен беләбеҙ. Бындай коллектив менән уңышҡа, йәғни Гагарин Кубогына иҫәп тоторға мөмкин тип уйлайым, — тип билдәләне Радий Хәбиров. — Мин дә һәр саҡ үҙемә юғары маҡсаттар ҡуйҙым һәм ҡолаһам, яңынан күтәрелеп, юлымды артабан дауам иттем».
Башҡортостан Башлығы вазифаһын ваҡытлыса башҡарыусы һүҙҙәренсә, төбәк хөкүмәте «профессиональ хоккейға булышлыҡ итергә теләй, ресурстар бар».
Радий Хәбиров, тәржемәсе хеҙмәтен файҙаланмайынса, инглиз телендә «Салауат» легионерҙарына изге теләктәрен еткерҙе һәм «юлаевсылар»ҙың ҡапҡасыһы Юха Метсоланы тыуған көнө менән ҡотланы, ә бүләккә «Хәбиров» фамилияһы һәм клуб уйынсыларының автографтары менән йәшел свитер алды.
Хәтерегеҙгә төшөрәбеҙ, «Салауат Юлаев» хоккей клубы өсөн плей-офф 25 февралдә Магнитогорскиҙа урындағы «Металлург» менән башлана. Өфөлә серия 1 һәм 3 мартта дауам итә.
Читайте нас:
Электрон почта
Адресы
450077, Уфа, Кирова, 45
Реклама хеҙмәте
(347) 250-11-11
Редакция
(347) 250-07-28
Ҡабул итеү бүлмәһе
(347) 250-05-07
Хеҙмәттәшлек
(347) 250-06-14
Кадрҙар бүлеге
© 1992-2024 АО ИА «Башинформ». Свидетельство о регистрации СМИ № ТУ 02-01609 от 25.09.2017 г., выдано Управлением Федеральной службы по надзору в сфере связи, информационных технологий и массовых коммуникаций по Республике Башкортостан.
Вся информация и материалы, размещенные на сайте www.bashinform.ru защищены международным и российским законодательством об авторском праве и смежных правах.
18+ запрещено для детей.
При перепечатке или цитировании ссылка на ИА «Башинформ» обязательна. Для интернет-изданий и социальных сетей прямая активная гиперссылка обязательна. Использование логотипа ИА «Башинформ» в целях, не связанных с ссылкой на агентство при перепечатке или цитировании, допускается только с письменного разрешения АО ИА «Башинформ».