Өфөлә спорт комментаторҙары 100 мең һум ота ала

ӨФӨ, 2018 йыл, 25 октябрь. /«Башинформ» мәғлүмәт агентлығы/. 1 декабрҙә Башҡортостан Республикаһы Хөкүмәте һәм «Өфө» футбол клубы булышлығында тәүге «Спорт тауышы» премияһын тапшырыу тантанаһы була. Ошо көндәрҙә «Рәсәй бөгөн» халыҡ-ара мәғлүмәт агентлығында матбуғат конференцияһы уҙҙы, унда Геннадий Орлов етәкселегендә Рәсәй спорт комментаторҙары ассоциацияһы ағзалары һәм «Өфө» футбол клубының генераль директоры Шамил Ғәзизов ҡатнашты.

Премия ун номинацияла тапшырыла. Ҡатнашыусыларҙы Рәсәй спорт комментаторҙары ассоциацияһы ағзалары йәшерен тауыш биреү юлы менән баһалай. Номинациялар араһында Нина Еремина — «спорттың ҡатын-ҡыҙ тауышы» премияһы бар.

«Ҡатын-ҡыҙҙарҙың спортҡа ҡарашы ир-егеттәрҙекенә ҡарағанда ҡыҙыҡлыраҡ һәм йөкмәткелерәк. Беренсе премия лауреаттары иҫәбенә ҡатын-ҡыҙҙар ҙа инһә, бик шат булыр инем», — тине ассоциация ағзаһы Владимир Гомельский.

«Спорт тауышы» премияһы лауретттарына 100 мең һум аҡса тапшырыла.

http://www.bashinform.ru/news/1229223-v-ufe-sportivnye-kommentatory-mogut-vyigrat-100-tysyach-rubley/