Башҡортостан һәм Өфө яңылыҡтары
92.59
+0.02
100.27
-0.14
86.25
+0.84
1+ °C
Ҡар
Бөтә яңылыҡтар
Спорт
24 Октябрь 2018, 12:25

«Салауат Юлаев» СКА-ны ҡаршы ала: КХЛ-дың регуляр чемпионаты матчына фараздар

«Салауат Юлаев» хоккей клубы
«Салауат Юлаев» хоккей клубы
ӨФӨ, 2018 йыл, 24 октябрь. /«Башинформ» мәғлүмәт агентлығы, Наталья Овчарук/. 24 октябрҙә «Салауат Юлаев» үҙ боҙонда СКА-ны ҡабул итә. Ярышташтар Континенталь хоккей лигаһының 11-се миҙгелендә осрашҡайны инде. Ул саҡта Өфө клубы биш йыл эсендә тәүге тапҡыр хужаларҙы Петербург боҙонда еңде (4:1).
Уҙған осрашыуҙа «юлаевсылар» өйҙә Омскиҙың «Авангард»ына овертаймда футбол иҫәбе (0:1) менән еңелде. Еңелеүгә ҡарамаҫтан, «Салауат» ҡапҡасыһы Юха Метсоланы матчтың төп геройы тип атанылар: ул 43 шайбаның 42-һен кире ҡаҡты.
СКА, өфөләр кеүек, уҙған осрашыуҙа үҙенең принципиаль ярышташы ЦСКА-ға буллиттар серияһында (1:2) еңелде. Төньяҡ баш ҡаланан боҙ дружинаһы лигала тигеҙ составта уйын буйынса иң көслөләрҙең береһе булып һанала. Билдәләп үтергә кәрәк, Илья Воробьев командаһы һуңғы 16 матчта тотороҡло рәүештә мәрәйҙәр йыя.
Букмекерҙар «Салауат Юлаев» — СКА уйынында фаворитты атарға ҡыйынһына. Әммә бөгөн ябыҡ хоккей булыуын фаразлай. «Өфө-Арена»ла осрашыу урындағы ваҡыт буйынса киске сәғәт 7-лә башлана.
http://www.bashinform.ru/news/1228497-salavat-yulaev-vstrechaet-ska-prognozy-na-match-regulyarnogo-chempionata-kkhl/
Автор:Наталья Овчарук
Читайте нас: