Кугрышевтың икенсе шайбаһы «Салауат Юлаев»ҡа «Авангард»ты еңергә ярҙам итте

ӨФӨ, 2018 йыл, 10 октябрь. /«Башинформ» мәғлүмәт агентлығы, Наталья Овчарук/. 9 октябрҙә «Салауат Юлаев» үҙендә Омскиҙың «Авангард»ын ҡабул итте. Өфө командаһы шунда уҡ уйынға дәрт өҫтәне һәм ҡунаҡтарҙың тренерҙар штабын ҡапҡасыны алмаштырырға мәжбүр итте: Игорь Бобков беренсе осорҙа өс шайба үткәреп, ял итергә китте. «Юлаевсылар» командаһында Кугрышев ике тапҡыр уңышҡа өлгәште, һуңынан өҫтөнлөктө Солодухин арттырҙы. Омскиҙар ҡапҡаһын һаҡларға Алексей Мурыгин сыҡты.

Тәнәфестән һуң «Авангард» ике шайбаны кире ҡайтарҙы. Беренсе мәрәйҙе үҙ иҫәбенә Дэвид Деарне, икенсеһен күпселектә Максим Чудинов яҙҙы. «Юлаевсылар» яуап ҡайтара алманы. Өсөнсө осорға ярышташтар боҙға 3:2 иҫәбе менән сыҡты.

Өсөнсө осорҙа ҡунаҡтар алтынсы уйынсы һәм 30 секундлы тәнәфес ярҙамында уйынды овертаймға күсерергә маташты. Килеп сыҡманы. Өфөләр ике мәрәй алды.

http://www.bashinform.ru/news/1222357-dubl-kugrysheva-salavatu-yulaevu-pobedit-avangard/