Рәсәйҙән һәм Япониянан 100 рапирасы Өфөгә «Салауат ҡылысы» ярыштарына килә

ӨФӨ, 2018 йыл, 9 октябрь. /«Башинформ» мәғлүмәт агентлығы, Наталья Овчарук/. 9 октябрҙә Өфөлә фехтование буйынса «Салауат ҡылысы» бөтә Рәсәй ярыштары башлана. Башҡортостандың баш ҡалаһына Рәсәйҙән һәм Япониянан 100-ләгән спортсы килә. Беҙҙең республиканан донъя һәм Европа беренселектәре еңеүселәре һәм призерҙары ингән 60 ҡатнашыусы сығыш яһай.

Турнирҙы тантаналы асыуҙа Башҡортостандың йәштәр сәйәсәте һәм спорт министры Руслан Хәбибов, резерв (рапира, ир-егеттәр) буйынса Рәсәй йыйылмаһының өлкән тренеры, Олимпия уйындарының бронза призеры Вячеслав Поздняков, Рәсәй йәштәр йыйылмаһы (рапира, ир-егеттәр) өлкән тренеры, фехтование буйынса ике тапҡыр донъя чемпионы Юрий Лыков, фехтование буйынса Олимпия уйындары чемпиондары Әнүәр Ибраһимов һәм Тимур Сафин, шулай уҡ Рәсәй һәм Башҡортостан йыйылмалары лидерҙары – Тимур Арыҫланов, Анастасия Иванова, Аделина Зәһиҙуллина ҡатнаша.

Фехтование буйынса ярыштар Башҡортостандың Спорт әҙерлеге үҙәге базаһында (Солтанов урамы, 24/1) сәғәт 11-ҙә башлана.

http://www.bashinform.ru/news/1221747-100-fekhtovalshchikov-iz-rossii-i-yaponii-priedut-v-ufu-na-sorevnovaniya-sablya-salavata/