«Салауат Юлаев» Көнбайыш аутсайдерынан үткәрерме? КХЛ матчына фараз

ӨФӨ, 2018 йыл, 5 октябрь. /«Башинформ» мәғлүмәт агентлығы, Наталья Овчарук/. 5 октябрҙә бер аҙ тәнәфестән һуң «Салауат Юлаев» үҙ майҙанында «Слован»ды ҡабул итә. Өфөләр һуңғы ике осрашыуҙа еңелде һәм үҙ боҙонда көйәрмәндәре алдында еңеү яуларға ашҡына. Аҙаҡҡы еңелеүҙә Николай Цулыгин тәрбиәләнеүселәре, һуңғы секундта иҫәпте тигеҙләп, уны ЦСКА-нан тартып тигәндәй алды. Ләкин арбитрҙар был шайбаны иҫәпләмәне, сөнки ул ҡапҡаға Ларсендың аяғынан инде.

Братислава боҙ дружинаһы бөгөн КХЛ-дың көнбайыш конференцияһынды аҙаҡҡы урынды биләй. «Слован» «Адмирал»ды еңде, һуңынан өс тапҡыр еңелде.

Өфөләге осрашыуға популяр ставкаларҙы тикшергәндән һуң, хужалар өҫтөнлөккә эйә: команда абруйлы, республика коллективы еңеү тәмен дә һағынып өлгөргән. Ләкин дәғүәсене тейешенсә баһалап еткермәү «юлаевсылар»ҙы уҫал шаяртыуы мөмкин. Эксперттар «Салауат»тың — күп, ә словактарҙың ике гол индереүҙәрен көтә.

«Салауат Юлаев» — «Слован» уйыны Өфө ваҡыты буйынса киске сәғәт 7-лә башлана. Тура трансляциялар — Башҡортостан юлдаш телевидениеһы һәм КХЛ ТВ телеканалдарында.

http://www.bashinform.ru/news/1220525-salavat-yulaev-slovan-prognoz/