«Салауат Юлаев» vs ЦСКА: КХЛ даими чемпионатының 11-се миҙгеле уйынына фараз

ӨФӨ, 2018 йыл, 1 октябрь. /«Башинформ» мәғлүмәт агентлығы, Наталья Овчарук/. 1 октябрҙә «Салауат Юлаев» үҙ боҙонда Континенталь хоккей лигаһындағы 11-се миҙгелдең икенсе серияһын башлай. Дәғүәсеһе — Мәскәүҙең ЦСКА командаһы. Уҙған йома өфөләр Мәскәү өлкәһенең «Витязь» клубынан 2:3 иҫәбе менән еңелеп, күсмә матчтарҙы тамамланы. Шулай итеп, Николай Цулыгин тәрбиәләнеүселәре дүрт матчтан еңеү серияһын өҙөп, Көнсығыштың өсөн баҫҡысын биләй.

Мәскәү «армия»һы көнбайыш конференцияһында икенсе урында тора. Уҙған уйында ЦСКА «Спартак»ты еңеп(2:1), бишенсе еңеү яуланы.

Хоккей эксперттары һәм букмекерҙар ике команданың да тәртипле уйнауын фаразлай, йәғни асыҡ хоккей көтмәһәк тә була. «Салауат Юлаев» — ЦСКА осрашыуы Өфө ваҡыты буйынса киске сәғәт 7-лә башлана.

http://www.bashinform.ru/news/1218594-salavat-yulaev-vs-tsska-prognoz-na-match-11-sezona-regulyarnogo-chempionata-kkhl/