«Салауат Юлаев» Башҡортостан Республикаһы Кубогына эйә булды

ӨФӨ, 2018 йыл, 29 август. /«Башинформ» мәғлүмәт агентлығы/. Кисә Өфөлә «Башҡортостан Республикаһы Кубогы-2018» тамамланды. Йолаға әүерелгән халыҡ-ара миҙгел алды турнирында быйыл шәхси осрашыуҙа еңеү иҫәбенә Екатеринбургтың «Автомобилист» командаһын уҙып киткән «Салауат Юлаев» хоккейсылары еңеү яуланы. Өсөнсө урында – Түбәнге Каманан «Нефтехимик», ә турнир таблицаһын Астана «Барыҫ»ы йомғаҡланы, тип хәбәр итә клубтың матбуғат хеҙмәте.

Ойоштороу комитеты турнир йомғаҡтары буйынса иң шәп уйынсыларҙы билдәләне:

— иң шәп ҡапҡасы – Якуб Коварж («Автомобилист»)

— иң шәп һаҡсы – Филип Ларсен («Салауат Юлаев»)

— иң шәп һөжүм итеүсе – Эмиль Ғәлимов («Нефтехимик»)

— иң шәп бомбардир – Павел Куликов («Нефтехимик»).

http://www.bashinform.ru/news/1202684-salavat-yulaev-stal-obladatelem-kubka-respubliki-bashkortostan/