Республика спортсыларҙы дәртләндереүгә 20 миллион һумдан ашыу аҡса йүнәлткән

ӨФӨ, 2018 йыл, 24 август. /«Башинформ» мәғлүмәт агентлығы, Наталья Овчарук/. Олимпия, паралимпия, сурдлимпия һәм үҫмерҙәр уйындарында, чемпионаттарҙа, кубоктарҙа, донъя һәм Европа беренселектәрендә юғары ҡаҙаныштарға өлгәшкән өсөн Башҡортостан спортсыларына матди дәртләндереү сараһы ҡаралған. Ошо маҡсатҡа 2018 йылдың икенсе кварталы өсөн республика өс миллион һумдан ашыуыраҡ аҡса бүлгән. Республика хөкүмәте премьер-министры Рөстәм Мәрҙәнов ҡул ҡуйған ҡарарҙа шул хаҡта яҙылған. Ағымдағы йылда спортсылар һәм тренерҙар араһында бөтәһе 20 миллион һум аҡса бүлеү күҙаллана.

«Матди дәртләндереү түбәндәге спорт төрҙәре вәкилдәренә ҡағыла: фехтование, грек-рим көрәше, уҡ атыу, һаңғырауҙар спорты (велоспорт), грэпплинг, пауэрлифтинг, шашка, тхэквондо, мотоциклет спорты, кикбоксинг», — тип аныҡлыҡ индерҙеләр Башҡортостандың Йәштәр сәйәсәте һәм спорт министрлығының матбуғат хеҙмәтендә.

2018 йылда спортсыларҙың һәм уларҙың остаздарының ҡаҙаныштарын дәртләндереүгә бөтәһе 20 миллион һум самаһы бүленгән.

http://www.bashinform.ru/news/1201035-bolee-20-millionov-rubley-bashkiriya-napravila-na-pooshchrenie-sportsmenov-/