Башҡортостан һәм Өфө яңылыҡтары
92.59
+0.02
100.27
-0.14
85.78
+0.37
1+ °C
Болотло
Бөтә яңылыҡтар
Спорт
13 Август 2018, 10:51

Республика шашкасылары Литвала Европа беренселегендә чемпиондарса сығыш яһаны

асыҡ сығанаҡтарҙан
асыҡ сығанаҡтарҙан
ӨФӨ, 2018 йыл, 13 август. /«Башинформ» мәғлүмәт агентлығы/. Вильнюста йәштәр араһында халыҡ-ара шашка буйынса XX Европа беренселеге тамамланды. Унда Башҡортостандан туғыҙ спортсы уңышлы сығыш яһаны.
Һуңғы көндә Рәсәй йыйылмаһы йәшен тиҙлегендәге программала өс алтын, дүрт көмөш һәм дүрт бронза миҙал яуланы. «Башҡортостан» үҙәк шашка клубының әҙерлек төркөмө спортсылары дөйөм Рәсәй командаһына алтын һәм ике бронза килтерҙе. Шулай уҡ тәүге унауҙа урындар алған спортсыларыбыҙ ярҙамында — тап улар дөйөм команда иҫәбенә инә — Рәсәй йыйылмаһы команда турнирында еңде.
Башҡортостан спортсылары өс программала өс алтын, бер көмөш һәм дүрт бронза миҙал алды. Рәсәй йыйылмаһы — 10 алтын, 10 көмөш һәм 10 бронза миҙал. Даниил Ильин һәм Кристина Осипова икешәр: алтын һәм бронза миҙал яуланы. Аделия Ғәзизова — алтын, Агата Парахина — көмөш, Руфина Әйүпова һәм Тамерлан Әхмәров — бронза.
Команда иҫәбендә спортсыларыбыҙҙың һәр ҡайһыһы Рәсәй йыйылмаһы составында еңеүсе булды. Композиция буйынса турнирҙа өс миҙал: Адель Ғәзизовала — көмөш, Арыҫлан Әхмәтйәновта һәм Айгизә Мөхәмәтйәновала — бронза, тип хәбәр иттеләр «Башҡортостан» шашка клубының матбуғат хеҙмәтенән.
http://www.bashinform.ru/news/1196538-shashisty-bashkirii-po-chempionski-vystupili-na-pervenstve-evropy-v-litve/
Читайте нас: