«Өфө» футбол клубының яңы баш тренерын 10 көн дауамында иғлан итәләр

ӨФӨ, 2018 йыл, 30 май. /«Башинформ» мәғлүмәт агентлығы, Гөлфиә Акулова/. «Өфө» футбол клубының яңы баш тренеры исемен 10 көн дауамында иғлан итәләр, тип белдерҙе клубтың генераль директоры Шамил Ғәзизов Чемпионат.com баҫмаһына. Уның һүҙҙәренсә, клуб «Зенит»ҡа күскән Сергей Семактың урынына баш тренер вазифаһына кемде тәғәйенләүен билдәләмәгән әле.

«Манчиниға алмашҡа Семакты ҡарағандары тураһында һөйләшеүҙәр киткәс, мин уға алмаш ҡараманым. Кисәңге төнгә тиклем мин яңы тренер эҙләмәнем. Беҙ һәр саҡ билдәле бер үҙгәрештәргә әҙер, әммә кемдең «Өфө»нөң яңы баш тренеры булырын һөйләргә иртә әле. 10 көн дауамында мотлаҡ иғлан итербеҙ. Дәғүәселәр исемлеге бар тип әйтмәйем, ул юҡ. Тренерҙы беҙҙең аныҡ билдәләнгән концепцияға ярашлы эҙләйбеҙ. Беҙҙең клуб – Рәсәйҙәге билдәле бер модель буйынса эшләгәндәрҙең береһе, ул асыҡтан-асыҡ күҙәтелә. Тренерҙар штабын һәм баш тренерҙы ошо концепцияға ярашлы һайлайбыҙ. Рәсәйҙән һәм беҙҙең республика исеменән Европа лигаһында сығыш яһайбыҙ, мәрәйҙәр йыябыҙ», — тине Шамил Ғәзизов.

Алдан вести.ru Сергей Томаров «Өфө»нөң баш тренеры булыу ихтималлығы тураһында хәбәр иткәйне.

http://www.bashinform.ru/news/1166215-imya-novogo-glavnogo-trenera-fk-ufa-obyavyat-v-techenie-10-dney/