Республика көрәшселәре грек-рим көрәше буйынса бөтә Рәсәй ярыштарында 11 миҙал яуланы

ӨФӨ, 2018 йыл, 15май. /«Башинформ» мәғлүмәт агентлығы, Эльмира Сабирова/. Башҡортостан көрәшселәре Әлмәттә грек-рим көрәше буйынса бөтә Рәсәй ярыштарында 11 миҙал яуланы. Унда Мәскәү, Санкт-Петербург, Саранск, Ульяновск, Пермь крайынан, биш өлкәнән һәм өс республиканан 240 спортсы ҡатнашты. Улар  – Рәсәй, Европа, донъя чемпиондары һәм призерҙары. Башҡортостандан 20-нән ашыу спортсы сығыш яһаны.

Ярыштар өлкәндәр һәм 2001-2002 йылғы йәштәр араһында 10 ауырлыҡ категорияларында уҙҙы, тип асыҡлыҡ индерҙе Башҡортостан Грек-рим көрәше федерацияһының матбуғат секретары Елена Ледяйкина.

Турнир йомғаҡтары буйынса өлкәндәр араһында — Фәдис Вәлитов (72 килограмм), Ислам Опиев (77 килограмм), Азамат Бикбаев (87 килограмм), йәштәр араһында Александр Ефимов (80 килограмм) еңеүсе булды. Көмөш призерҙар иҫәбендә — Никита Криницин (51 килограмм), Владислав Панков (80 килограмм), Әмир Йыһаншин (71килограмм), Азат Насипов (65 килограмм), Адель Шәйхивәлиев (60 килограмм). Александр Чегодаев (55 килограмм) һәм Эдуард Фәйезов (65 килограмм) бронза миҙалдар алды.

http://www.bashinform.ru/news/1157889-11-medaley-zavoevali-bashkirskie-bortsy-na-vserossiyskikh-sorevnovaniyakh-po-greko-rimskoy-borbe-/