«Өфө» үҙ майҙанында Мәскәүҙең ЦСКА-һы менән тигеҙ иҫәпкә уйнаны

ӨФӨ, 2018 йыл, 16 апрель. /«Башинформ» мәғлүмәт агентлығы, Наталья Овчарук/. Рәсәй футбол премьер-лигаһындағы 26-сы тур уйынын ике ярышташ та көрәш менән башланы. «Нефтсе» стадионы трибуналары йышыраҡ уны майҙан үҙәгендә күҙәтте. «Өфө» һәм ЦСКА хәүефле мәлдәр менән алмашынды, әммә беренсе таймдың икенсе яртыһында Виктор Гончаренконың тәрбиәләнеүселәре хужаларҙың ҡапҡаһын ҡыҫып алды: Башҡортостан командаһы ҡапҡасыһы Александр Беленов ныҡ ярҙам итте һәм Мәскәү «әрмеселәренең» Англия «Арсенал»ы менән ҡаты алыштан һуң арығанлығы һиҙелде.

Осрашыуҙың 41-се минутында «өфөләр» ниһайәт уңышҡа өлгәште һәм Игорь Акинфеевтың ҡапҡаһын ҡыйратты: Дмитрий Стоцкий аҙашы Сысуевҡа һәйбәт пас биреп, ул комбинацияны уңышлы тамамланы – 1:0.

Икенсе таймда командалар тағы ла әүҙемләште. Мәскәүҙең ЦСКА-һының икенсе һулышы асылды һәм 78-се минутта туп ҡунаҡтарҙың Нигерия һөжүм итеүсеһе Әхмәт Мусеға килеп эләкте, ул уйында иҫәпте тигеҙләне – 1:1.

11 меңдән ашыу көйәрмән «Өфө» футболсыларына «Гол кәрәк!» тип ҡысҡырҙы. Мәлдәр булды, ләкин Акинфеевтың ҡапҡаһы икенсегә асылманы.

http://www.bashinform.ru/news/1144400-ufa-na-domashnem-pole-vnichyu-sygrala-s-moskovskim-tsska/