Башҡортостандың тхэквондо оҫталары Ҡаҙағстанда Рәсәй йыйылмаһы составында уңышлы сығыш яһаны

ӨФӨ, 2018 йыл, 9 апрель. /«Башинформ» мәғлүмәт агентлығы, Әлим Фәйезов/. Ҡаҙағстандың Аҡтүбә ҡалаһында тхэквондо буйынса «Азия көрәшсеһе» халыҡ-ара турниры тамамланды. Унда Рәсәйҙән, Ҡаҙағстандан, Ҡырғыҙстандан һәм Үзбәкстандан 1500-ҙән ашыу кеше ҡатнашты. Рәсәйҙең Тхэквондо ассоциацияһы исеменән Башҡортостан Республикаһының Бөтә стиль федерацияһы спортсылары, шулай уҡ Санкт-Петербург һәм Ырымбур өлкәләре спортсылары сығыш яһаны.

Дөйөм команда турнирында беренсе урынды турнир хужалары — Ҡаҙағстан яуланы. Рәсәй йыйылмаһы көмөш призер булды, өсөнсөлә —

Ҡырғыҙстан.

Башҡортостан спортсы тәрбиәләнүселәре Роберт Багишев һәм Ләйлә Солтанова Рәсәй йыйылмаһы составында абсолют чемпион булды, тип хәбәр иттеләр Башҡортостан Республикаһының Бөтә стиль тхэквондо федерацияһының матбуғат хеҙмәтенән.

http://www.bashinform.ru/news/1141000-mastera-tkhekvondo-iz-bashkirii-uspeshno-vystupili-v-sostave-sbornoy-rossii-na-turnire-v-kazakhstane/