Баш ҡалала Ҡыҙғылт һары туп көнө ойошторола

ӨФӨ, 2018 йыл, 15 март. /«Башинформ» мәғлүмәт агентлығы, Дарья Петрова/. Шәмбе, 17 мартта, Башҡортостандың баш ҡалаһында балалар һәм өлкәндәр өсөн традицион баскетбол байрамы — Ҡыҙғылт һары туп көнө ойошторола.

Республиканың Баскетбол федерацияһында һөйләүҙәренсә, сара Башҡорт дәүләт аграр университетының спорт комплексында уҙа. Спорт программаһында бер нисә категорияла 10 минутлыҡ уйын ҡаралған, уларҙың һәр береһендә 12 уйынсы сығыш яһай. Ғәҙәттәгесә, Ҡыҙғылт һары туп көнөн йәш баскетболсылар аса, ветерандар һәм студенттар тамамлай. Тәү сиратта егеттәр, артабан ҡатын-ҡыҙҙар (ветерандар һәм студенттар), 50 йәштән өлкән ирҙәр, студенттар уйнай.

Ҡатнашыусыларҙы һәм тамашасыларҙы конкурстар һәм иҫтәлекле бүләктәр көтә.

Ҡасан: 17 мартта, көндөҙгө сәғәт 12-лә.

Ҡайҙа: Октябрҙең 50 йыллығы урамы, 34, Башҡорт дәүләт аграр университетының спорт комплексы.

http://www.bashinform.ru/news/1128308-v-ufe-proydet-den-oranzhevogo-myacha/