РФПЛ клубтарында киләһе миҙгелдән яңы вазифа барлыҡҡа килә – «Өфө»нөң генераль директоры

ӨФӨ, 2018 йыл, 8 февраль. /«Башинформ» мәғлүмәт агентлығы, Наталья Овчарук/. Рәсәй Премьер-лигаһының 2018/19 миҙгелендә бөтә клубтарҙа ла яңы вазифа барлыҡҡа килергә тейеш, ул – сәләмәтлек мөмкинлектәре сикләнгән көйәрмәндәр менән эшләү буйынса белгес. Нәҡ ошо билдә командаларға Рәсәй футбол миҙгелендә лицензия алырға мөмкинлек бирәсәк, тип хәбәр итте «Өфө»нөң генераль директоры Шамил Ғәзизовтың һүҙҙәренә һылтанып, ТАСС агентлығы.

«Клубтарҙа көйәрмәндәр менән эшләү буйынса белгес эшләргә тейеш, хәҙер был вазифа ла мотлаҡ. Был ике вазифаны бергә алып барырға мөмкин, — тип асыҡлыҡ индерҙе Ғәзизов. — Семинарға уҡырға һәм нимә эшләргә кәрәклеген аңларға кеше ебәрҙек. Ул ҡайтҡас, уны ихласлап тыңлаясаҡмын. Һәйбәт эш, был башланғысты, әлбиттә, хуплайбыҙ».

Әлеге ваҡытта «Өфөләрҙә» көйәрмәндәр менән эшләү буйынса белгес вазифаһында Андрей Коленченко эшләй.

http://www.bashinform.ru/news/1114206-v-klubakh-rfpl-so-sleduyushchego-sezona-poyavitsya-novaya-dolzhnost-gendirektor-ufy/