Башҡортостан һәм Өфө яңылыҡтары
89.82
+0.12
99.72
+0.52
71.06
-1.63
10+ °C
Болотло
Баш
Рус
Eng
Бөтә яңылыҡтар
Спорт
6 Февраль 2018, 09:00
Башҡортостан рапирасыһы Донъя кубогы этабында алтын миҙал яуланы
Рәсәй Фехтование федерацияһы
ӨФӨ, 2018 йыл, 6 февраль. /«Башинформ» мәғлүмәт агентлығы, Наталья Овчарук/. Рәсәй ҡыҙҙары Алжирҙа фехтование буйынса Донъя кубогы этабында ышаныслы еңеү яуланы. Башҡортостан спортсыһы Анастасия Иванова Инна Дериглазова, Марта Мартьянова һәм Светлана Трипанина менән берлектә халыҡ-ара ярыштарҙа алтын миҙалдар яуланы.
Башта ҡыҙҙарыбыҙ Испания йыйылмаһын ял итергә оҙатты, уларҙы 45:26 иҫәбе менән отоп. Һуңынан рәсәйҙәргә Көньяҡ Корея командаһы бирелде – 44:12.
«АҠШ йыйылмаһы менән ярымфинал алышында рәсәйҙәргә ҡыуып тоторға тура килде. Бишенсе алыштан һуң Америка ҡыҙҙарының өҫтөнлөгө 11 сәнсеүгә күберәк булды – 25:14. Дериглазова Нзинги Прескодҡа ҡаршы уйында ҡалышыуҙы яртыға ҡыҫҡартты – 10:5. Мартьянова, Иман Блоуҙы отоп – 7:5, команданы бер аҙ алға сығарҙы. Һигеҙенсе алышта Дериглазова Николь Россты еңә алманы – 5:5, шунлыҡтан Рәсәй ҡыҙҙары күпкә артта ҡалды – 36:40.
Әммә Трипанина Прескодты еңә – 9:4 һәм йыйылмабыҙҙы финалға сығара алды – 45:44», — тип һөйләнеләр Рәсәйҙең Фехтование федерацияһында.
Башҡортостандың фехтование мәктәбе тәрбиәләнеүсеһе Анастасия Иванова финалда Трипанинаны алмаштырҙы. Һөҙөмтәлә туғыҙынсы алышты ҡыҙҙар 42:32 иҫәбе менән тамамланы.
http://www.bashinform.ru/news/1113153-bashkirskaya-rapiristka-zavoevala-zolotuyu-medal-etapa-kubka-mira-/
Автор:
Наталья Овчарук
Теги:
донъя кубогы
фехтование
анастасия иванова
Читайте нас: